"Məni "Barselona"ya gətirdiyi üçün Allaha təşəkkür edirəm"

"Barselona"nın sabiq hücumçusu Lionel Messi klubdakı karyerası haqda danışıb.

90deqiqe.Az xəbər verir ki, jurnalist Fabrizio Romano ulduz futbolçunun dediklərini belə çatdırıb.

“Məni "Barselona"ya gətirdiyi üçün Allaha təşəkkür edirəm, çünki bütün həyatımı bu gözəl klubda keçirmişəm. "Barselona"nın bir parçası olduğum və azarkeş olaraq qaldığım üçün çox fəxr edirəm. Bu, digərlərindən fərqli olaraq xüsusi klubdur. Orda oynamaq mənə qismət oldu”

Hazırda 37 yaşlı Messi Amerikanın “İnter Mayami” klubunda çıxış edir. Futbolçunun əmək müqaviləsi 2025-ci ilin dekabr ayının sonuna kimidir.

Xatırladaq ki, argentinalı futbolçu 2004-2021-ci illərdə kataloniyalıların şərəfini qoruyub.