Kamavinqa bir neçə həftə yaşıl meydanlardan uzaq qalacaq

"Real Madrid"in yarımmüdafiəçisi Eduardo Kamavinqa son durumu bəlli olub.

90deqiqe.Az klubun mətbuat xidmətinə istinadən xəbər verir ki, 22 yaşlı yarımmüdafiəçinin sol ayağında bud biseps nahiyəsindən zədə aşkarlanıb. 

Fransız futbolçu zədə səbəbindən bir neçə həftə yaşıl meydanlardan kənarda qalacaq.

Xatırladaq ki, Kamavinqa Çempionlar Liqasının 5-ci turunun "Liverpul"la oyununda (0:2) zədələnmişdi. Bu mövsüm yarımmüdafiəçi bütün yarışlar da daxil olmaqla doqquz matçda iştirak edib və bir məhsuldar ötürmə edib. "Real Madrid" növbəti matçını dekabrın 1-də “Xetafe”yə qarşı keçirəcək. La Liqanın 15-ci turunun startı Bakı vaxtı ilə saat 19:15-ə təyin edilib.