Lamin Yamal zədəsini sağaltdı

"Barselona"nın hücumçusu Lamin Yamal La Liqanın 15-ci turunun "Las Palmas"la ev oyununda meydana çıxa biləcək.

90deqiqe.Az-ın məlumatına görə, bu barədə “mavi qranatlar”ın baş məşqçisi Hans-Diter Flik məlumat verib.

 "Onun start heyətində olub-olmayacağına hələ qərar verməmişəm, lakin o, oynamağa hazırdır"

17 yaşlı futbolçu noyabrın 6-da Çempionlar Liqasının “Srvena Zvezda” ilə səfər matçında (5:2) topuğunu zədələyərək zədələnib. Bu mövsüm Yamal 16 oyun keçirib, 6 qol vurub və 8 məhsuldar ötürmə edib. 14 görüşün nəticələrinə əsasən, Kataloniya komandası 34 xalla İspaniya çempionatının turnir cədvəlinə başçılıq edir. "Barselona" - "Las Palmas" oyunu şənbə günü, noyabrın 30-da keçiriləcək və Bakı vaxtı ilə saat 17:00-da başlayacaq.