"Barselona" Flikin qovulmasına görə apellyasiya şikayəti verəcək

Dünən "Barselona" İspaniya çempionatının "Betis"lə səfər oyununda (2:2) heç-heçə əldə edib.

90deqiqe.Az “El Partidazo de COPE”ə istinadən xəbər verir ki, sözügedən matçın ikinci hissəsində Kataloniya təmsilçisinin baş məşqçisi Hans-Diter Flik hakimin oyunun idarə olunmasını şikayət etdiyinə görə qırmızı vərəqə alıb.

 “Barselona” Flikin uzaqlaşdırılmasına qarşı apellyasiya şikayəti verəcək.

Kataloniyalılar bu şikayətdən cəzanı ləğv edə bilməsə, alman mütəxəssis La Liqada "Leqanes" (15 dekabr) və "Atletiko Madrid" (21 dekabr) ilə keçiriləcək görüşləri buraxacaq. “Barselona” növbəti oyununu çərşənbə günü, dekabrın 11-də Çempionlar Liqasında Dortmund “Borussiya”sına qarşı keçirəcək.