Yamal "Barselona" ilə müqaviləsini uzadacaq

"Barselona"nın vingeri Lamin Yamalın maraqlarını təmsil edən agent Xorxe Mendes müştərisinin gələcəyi ilə bağlı açıqlama verib.

90deqiqe.Az xəbər verir ki, "BBC" onun dediklərini belə çatdırıb.

 "Yamal, şübhəsiz ki, "Barselona" ilə müqaviləsini yeniləyəcək, o, bu klubun azarkeşidir".

17 yaşlı ispaniyalının doğma klubu ilə hazırkı müqaviləsi 30 iyun 2026-cı ilə qədərdir və onun transfer dəyəri 150 milyon avro olaraq qiymətləndirilir. Bu mövsüm Yamal "Barselona"nın heyətində 21 oyun keçirib, 6 qol vurub və 12 məhsuldar ötürmə verib. Dünən “Barselona” öz meydanında “Leqanes”ə sensasiyalı şəkildə məğlub olub (0:1).