Qarnaço İspaniyanın top klubuna keçə bilər

"Mançester Yunayted"in vingeri Alexandro Qarnaço qış transfer pəncərəsində klubunu dəyişə bilər.

90deqiqe.Az "Fichajes"ə istinadən xəbər verir ki, "Atletio Madrid 20 yaşlı argentinalı futbolçunun xidmətində maraqlıdır. “Matrasçılar” futbolçunu yanvarda transfer etmək imkanını nəzərdən keçirir.

Bu mövsüm Qarnaço bütün turnirlər də daxil olmaqla 24 matçda meydana çıxıb, səkkiz qol vurub və dörd məhsuldar ötürmə verib. Qarnaçonun "Mançester Yunayted"lə əmək müqaviləsi 2028-ci ilin yayına kimi nəzərdə tutulub. Transfermarkt portalının mütəxəssisləri futbolçunun dəyərini 50 milyon avro qiymətləndirir.