"Messi kimi böyük futbolçu ilə oynamışam, Ronaldo ilə oynamaq əyləncəli olardı"

"Real Madrid"in və Fransa millisinin hücumçusu Kilian Mbappe karyerası ərzində hansı futbolçu ilə oynamaq istəyər sualını cavablandırıb.

90deqiqe.Az xəbər verir ki, “Marca” nəşri futbolçunun dediklərini belə çatdırıb.

“Bunu Zinəddin Zidanla deyəcəyəm. Böyük futbolçularla oynamışam: Messi, Neymar, Qrizmann, Poqba, Benzema. Kriştiano Ronaldo ilə oynamaq əyləncəli olardı, baxmayaraq ki, indi çox çətin olacaq. Amma bu idmanın əfsanəsi olan ona qarşı oynamaq mənə qismət oldu”

Mbappe 2021-2023-cü illərdə PSJ-də Messi ilə birlikdə çıxış edib.

Bu mövsüm fransalı hücumçu bütün turnirlərdə 23 matçda iştirak edib, 13 qol vurub və 3 məhsuldar ötürmə edib.