Aspas "Selta Viqo" ilə müqaviləsini uzadıb

Hücumçu İaqo Aspas "Selta" ilə yeni müqavilə imzalayıb.

90deqiqe.Az klubun mətbuat xidmətinə istinadən xəbər verir ki, 37 yaşlı forvardın müqaviləsi 2026-cı ilin ortalarına qədər uzadıb.

İspaniya çempionatının bu mövsümündə 37 yaşlı forvard 16 oyuna çıxıb, 6 qol vurub və 3 məhsuldar ötürmə edib. La Liqanın 18 turundan sonra "Selta" 24 xal toplayıb və turnir cədvəlinin 11-ci pilləsində qərarlaşıb. İspaniya çempionatının növbəti oyununda Viqo klubu səfərdə “Rayo Valyekano” ilə qarşılaşacaq. Qarşılaşma cümə günü, yanvarın 10-da baş tutacaq. Başlanğıc fiti Bakı vaxtı ilə saat 00:00-da səslənəcək.