Yamal məşqlərə qayıdır

"Barselona"nın vingeri Lamin Yamal zədəsini tam sağaldıb.

90deqiqe.Az "Mundo Deportivo"ya istinadən xəbər verir ki, 17 yaşlı futbolçu sabahdan ümumi qrupda məşqlərə başlayacaq.

Xatırladaq ki, Yamal zədədən əvvəl son matçını dekabrın 15-də keçirib.

Bu mövsüm futbolçu bütün yarışlarda 21 oyunda iştirak edib, 6 qol vurub və 12 məhsuldar ötürmə edib. “Barselona” növbəti oyununu yanvarın 4-də “Barbastro”ya qarşı keçirəcək. İspaniya kubokunun 1/16 final mərhələsinin startı Bakı vaxtı ilə saat 22:00-a təyin edilib. Yamalın İspaniya Superkubokunun oyunlarına qayıdacağı daha əvvəl bildirilirdi.