Premyer Liqanın aparıcı klubları və "Bavariya" Olmonu hədəfə alıb

"Barselona"nın yarımmüdafiəçisi Dani Olmo İngiltərə Premyer Liqasının ən güclü klublarının qısa siyahısında yer alıb.

90deqiqe.Az "Mundo Deportivo"ya istinadən xəbər verir ki, Premyer Liqanın ən yaxşı 6 klubu 26 yaşlı yarımmüdafiəçinin "Barselona"dakı vəziyyətini diqqətlə izləyir. Bundan əlavə, ispaniyalıya "Bavariya" da maraq göstərir.

Eyni zamanda, Olmonun özünün də "Barselona" ilə uğur qazanmaq arzusunda olduğu və hər hansı digər karyera inkişafı ssenarisinin onun üçün böyük məyusluq olacağı iddia edilir.

Xatırladaq ki, bu gün, dekabrın 31-i “Barselona”nın Olmonu cari mövsümün ikinci hissəsi üçün transfer edə biləcəyi son gündür. Bildirilib ki, “mavi qranatlar” artıq lazımi sənədləri göndərib və qərar gözləyir.