"Qarsiyanın qışda gedəcəyini düşünmürəm"

"Barselona"nın baş məşqçisi Hans-Diter Flik müdafiəçi Erik Qarsiyanın mümkün gedişi ilə bağlı açıqlama verib.

90deqiqe.Az xəbər verir ki, "Barca Universal" alman çalışdırıcının dediklərini belə çatdırıb.

"Erik Qarsiyanın qışda gedəcəyini düşünmürəm. Bu bizim oyunçudur, yaxşı oyunçudur. O, çox ağıllıdır və müxtəlif mövqelərdə oynaya bilir. Hazırda onu buraxmağı planlaşdırmırıq”

Daha əvvəl 23 yaşlı ispan futbolçunun "Jirona"da qala biləcəyi bildirilirdi.

2024/25 mövsümündə Qarsiya bütün yarışlarda 13 oyunda iştirak edib və bir məhsuldar ötürmə edib. Nüfuzlu Transfermarkt portalının məlumatına görə, müdafiəçinin dəyəri 18 milyon avrodur.