Flik "Barselona"nı tərk edə bilər

"Barselona"nın baş məşqçisi Hans-Diter Flik klubu tərk edə bilər.

90deqiqe.Az "TodoFichajes"ə istinadən xəbər verir ki, 59 yaşlı mütəxəssis qış transfer pəncərəsində yeni hücumçu alınmayacağı təqdirdə "Barselona" rəhbərliyini klubdan gedəcəyi ilə hədələyib.

Daha əvvəl alman çalışdırıcının hücumda oyunu şaxələndirmək üçün yeni forvardla müqavilə imzalamağı tələb etdiyi bildirilirdi.

"Barselona" hazırda İspaniya La Liqasının turnir cədvəlində 3-cü yerdədir. Mavi qranatların 19 turdan sonra 38 xalı var. Yanvarın 8-də “Barselona” “Atletik”lə qarşılaşacaq. İspaniya Superkubokunun yarımfinal oyunu Bakı vaxtı ilə saat 23:00-da başlayacaq.