Laporta maliyyə problemlərinə baxmayaraq "Barselona"ya bu ulduzu gətirmək istəyir

"Barselona" ciddi maliyyə çətinlikləri yaşayır.

90deqiqe.Az "El Nacional"a istinadən xəbər verir ki, Kataloniya klubunun prezidenti Joan Laporta buna baxmayaraq heyəti  gücləndirmək niyyətindədir. Klub rəhbərliyi "Milan"dan hücumçu Rafael Leaunu "Barselona"ya gətirmək arzusundadır.

Eyni zamanda, "Sportinq"dən Viktor Qyökeres "mavi qranatlar" üçün B planıdır.

25 yaşlı Leaunun "Milan"la 2028-ci ilin ortalarına qədər qüvvədə olan müqaviləsi var. Nüfuzlu Transfermarkt portalının mütəxəssisləri portuqaliyalıya 75 milyon avro qiymət qoyub. "Barselona" hazırda İspaniya Superkubokunun yarımfinalında "Atletik"lə qarşılaşmağa hazırlaşır. Komandalar yanvarın 8-də qarşılaşacaqlar.