"Yuventus" Arauxonu almağa ümid edir

Önümüzdəki həftə "Barselona"nın müdafiəçisi Ronald Arauxonun gələcəyi məsələsində həlledici olacaq.

90deqiqe.Az "Relevo"ya istinadən xəbər verir ki, kataloniyalılar vəziyyətə aydınlıq gətirmək üçün yaxın vaxtlarda 25 yaşlı futbolçu ilə görüş keçirməyi planlaşdırır.

Müqavilənin uzadılması ilə bağlı tərəflərin mövqeləri bir-birindən çox uzaqdır və blaugrana uruqvaylının 2026-cı ilin yayında azad agent kimi ayrılmasına icazə vermək istəmir.

Bu səbəbdən uruqvaylının transferi mümkündür. "Yuventus" Arauxonun transferi ehtimalına nikbin yanaşır. Turin klubu Uruqvay millisinin futbolçusu üçün 50 milyon avro ödəməyə hazırdır.