"Real"a qarşı gözəl futbol oynamağı bacardıq"

"Barselona"nın hücumçusu Robert Levandovski "Real"la oyundan (5:2) sonra klub prezidenti Joan Laporta ilə söhbətindən danışıb.

90deqiqe.Az xəbər verir ki, "Movistar" polşalı hücumçunun dediklərini belə çatdırıb.

“O, məni təbrik etdi və dedi ki, biz birinci hissədə yaxşı oynadıq, mən bununla razıyam, gözəl futbol oynamağı bacardıq, amma son 30 dəqiqədə, biz bir kişiyə düşəndə, daha çətin oldu, amma 5-1 və ya 5:2 hesabı ilə öndə gedirik, onda biz bunu qələbəyə qədər görməliyik”

36 yaşlı Levandovski bu mövsüm "Barselona"nın heyətində bütün turnirlərdə 27 oyun keçirib, 26 qol vurub və 3 məhsuldar ötürmə edib.