Flik Qvardiolaya çatdı

"Barselona"nın baş məşqçisi Hans-Diter Flik komandanın keçmiş baş məşqçisi Xosep Qvardiolanın nailiyyətinə yaxınlaşıb.

90deqiqe.Az xəbər verir ki, dünən İspaniya Superkubokunun final matçında "Barselona" "Real Madrid"i 5:2 hesabı ilə məğlub edib. Bu qələbə Flikin komandası üçün "El Klasiko"da ardıcıl ikinci qələbəsi olub.

Qeyd edək ki, “Real” üzərində ardıcıl qələbələrin sayına görə rekord “Los Blancos”u üç dəfə məğlub etməyi bacaran Xosep Qvardiolaya (2008-2012) məxsusdur. Dünənki qələbədən sonra Flik Qvardiolanın rekordunu təkrarlamağa bir addım qalıb. Komandalar o vaxta qədər Kral Kubokunda və ya Çempionlar Liqasında püşkatma aparılmasa, növbəti "El Klasiko" may ayında baş tutacaq.