"Real" Superkubok məğlubiyyətindən sonra Ançelottinin gələcəyi ilə bağlı qərar verib

"Real Madrid" İspaniya Superkubokunda "Barselona"ya darmadağın olmasına (2:5) baxmayaraq, baş məşqçi Karlo Ançelottiyə güvənir.

90deqiqe.Az xəbər verir ki, bu barədə “Athletic” məlumat yayıb. 

Mənbənin sözlərinə görə, “Real” İspaniya Superkubokunda məğlubiyyətin Ançelottinin gələcəyi ilə bağlı şübhələr yaratmasına təəccüblənib. “Qaymaqlılar”ın rəhbərliyi hesab edir ki, onun işinə yalnız mövsümün sonunda qiymət vermək olar və hazırda mütəxəssisin dəyişdirilməsi məsələsi müzakirə olunmur.

Bildirilir ki, itirilən İspaniya Superkuboku “ağ-qaralar”ın qış transfer pəncərəsi ilə bağlı planlarına təsir etməyəcək – Ançelottinin heyəti gücləndirmək zərurəti üzərində israr etməsinə baxmayaraq, komanda yeni oyunçular almağı planlaşdırmır. Transfer yalnız "Liverpul"un qışda Trent Alexander-Arnold-u buraxmağa razı olduğu halda mümkündür.

Karlo Ançelotti 2021-ci ilin iyulundan Real Madridin baş məşqçisidir. O, daha əvvəl 2013-2015-ci illərdə Los Blankosa rəhbərlik edib.