"Barselona" yüksək səviyyədə çıxış etdi"

"Betis"in baş məşqçisi Manuel Pelleqrini İspaniya kuboku matçında məğlubiyyətdən (1:5) sonra "Barselona"nın səviyyəsini dəyərləndirib.

90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında danışıb.

“Biz Yamalın nə qədər yaxşı olduğunu artıq bilirdik. Onun pressinq zamanı aqressivliyi "Barselona" üçün həyati əhəmiyyət kəsb edirdi. O, hələ çox gəncdir və ümid edirəm ki, irəliləməkdə davam edəcək. Söhbət bir oyunçudan getmir, bütün komandadan gedir. Söhbət həm də Rafinha, Olmo, Pedridən gedir.Onların hamısı ən yüksək səviyyədə çıxış edir"

“Mavi Qarnetlər”in əzmkar qələbəsini Qavi, Jül Kounde, Rafinya, Ferran Torres və Lamine Yamalın qolları təmin edib. "Barselona"dan icarəyə götürülən Vitor Roke qonaqların qapısına penaltidən qol vurdu.