- İspaniya L.L.
- 20:48 17.01.2025
"Barselona" Ruben Amorimin baş məşqçi postuna gəlişi ilə "Mançester Yunayted"dəki mövqeyi ciddi şəkildə pozulan hücumçu Markus Reşfordu transfer etmək niyyətindədir.
90deqiqe.Az "Sport" nəşrinə istinadən xəbər verir ki, ingilis futbolçuya yer açmaq üçün "blauqrana" Ansu Fati ilə yollarını ayırmalıdır. Bu səbəbdən Fatinin İngiltərəyə qayıtma ehtimalı yüksək görünür. Belə ki, Londonun "Tottenhem" və "Vest Hem" 22 yaşlı futbolçunu transfer etmək istəyir. Adı çəkilən hər iki klubun artıq gənc futbolçunun transferi üçün İspaniya nəhəngi ilə danışıqlara da başlayıb.
Nüfuzlu Transfermarkt portalının ekspertləri Ansu Fatini 10 milyon avro qiymətləndirirlər. Futbolçunun "Barselona" ilə hazırkı müqaviləsi 2027-ci ilin ortalarına qədərdir.
