"Daha çox oynayacağımı gözləmirdim"

"Real Madrid"in braziliyalı hücumçusu Endrik bu mövsüm komandada keçirdiyi oyundan danışıb.

90deqiqe.Az xəbər verir ki,  jurnalist Fabrizio Romano gənc oyunçunun dediklərini belə çatdırıb.

"Daha çox dəqiqə oynayacağımı gözləmirdim... Ançelotti nə etdiyini bilir. O, mənim üçün deyil, komanda üçün ən yaxşısını edir. Komandaya Kilian (Mbappe), Vini (Vinisius Junior) və ya Rodriqo lazımdırsa, onlar heyətdə olacaqlar. Arda Gülərdirsə, orada olacaq.Əgər bu mənəmsə, mən orada olacağam".

18 yaşlı Endrik 2024-cü ilin iyulundan "Real Madrid"də çıxış edir. Bu mövsüm o, klubun heyətində bütün turnirlərdə 17 oyuna çıxıb, 4 qol vurub və bir məhsuldar ötürmə edib. Ümumilikdə futbolçu 291 dəqiqə meydanda olub.