Diaz üçün 70 milyon avroluq təklif

"Barselona" yay transferi pəncərəsi zamanı 28 yaşlı cinah oyunçusu Luis Diazı transfer etmək istəyi barədə "Liverpul"a məlumat verib.

90deqiqe.Az "Antena 2"ə istinadən xəbər verir ki, “blauqrana” kolumbiyalı futbolçunun transferi üçün 70 milyon avro təklif etməyi planlaşdırır.

"Barselona" Diazın karyerasını İspaniyada davam etdirmək istədiyini bildiyi üçün artıq "Liverpul"un hücumçusunun agenti ilə danışıqlar aparıb.

Bu mövsüm Diaz bütün turnirlərdə 27 oyun keçirib, 12 qol vurub və 3 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 85 milyon avrodur.