Ançelotti "Real" azarkeşləri tərəfindən fitə basılamasına belə reaksiya verdi

"Real"ın baş məşqçisi Karlo Ançelotti İspaniya kubokunun 1/8 final mərhələsinin "Selta" ilə oyunu (5:2) öncəsi italiyalı mütəxəssisi fitə basan azarkeşlərin narazılığına baxmayaraq, klub rəhbərliyinin dəstəyini hiss etdiyini açıqlayıb.

90deqiqe.Az xəbər verir ki, "Madrid Universal" təcrübəli mütəxəssisin dediklərini belə çatdırıb.

“Aydındır ki, Florentino Peres, Xose Anxel ["Real Madrid"in baş direktoru] və bütün klubla çox yaxşı münasibətim var.Mənim heç bir problemim yoxdur. Mən həmişə dəstək hiss edirəm və buradakı son günümə qədər dəstəklənməyə davam edəcəyəm.Bu mənada hər şey mükəmməl qaydadadır".

Ançelottinin "Real Madrid" ilə hazırkı əmək müqaviləsi 2026-cı ilin yayına qədərdir.