"Barselona" Roke üçün təklif alıb

"Betis"də icarə əsasında çıxış edən "Barselona"nın mərkəz hücumçusu Vitor Roke kataloniyalıları daimi olaraq tərk edə bilər.

90deqiqe.Az “Diario Sport”a istinadən xəbər verir ki, "Palmeyras" Roke üçün "Barselona"ya 27 milyon avro və hücumçunun növbəti satışının 20%-ni təklif edib.

Keçən ilin sonunda 19 yaşlı hücumçunu transfer etmək üçün "Tottenhem"in favorit olduğu bildirildi, lakin o vaxtdan bəri heç bir dəyişiklik olmadı.

Roke bu mövsüm "Betis"in heyətində 27 oyun keçirib, 7 qol vurub və 2 məhsuldar ötürmə edib. Xatırladaq ki, 2024-cü ilin yanvarında "Barselona" Roke üçün 30 milyon avro ödəmişdi. Futbolçunun özü klubla 2031-ci ilə qədər müqavilə imzalayıb.