"Barselona" onunla müqaviləni uzatmağa razılaşıb

"Barselona" müdafiəçisi Jerar Martin ilə müqaviləsini uzadacaq.

90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb. 

 22 yaşlı Martin 2023-cü ildən "Barselona"da çıxış edir. Bu müddət ərzində o, əsas komandada 18 oyun keçirib və iki məhsuldar ötürmə edib. Martinin "blauqrana" ilə hazırkı müqaviləsi gələn ilin yayında başa çatır. Transfermarkt-ın məlumatına görə, müdafiəçinin dəyəri beş milyon avrodur.

Yanvarın 26-da İspaniya La Liqasının 21-ci turu çərçivəsində "Barselona" doğma meydanda "Valensiya"nı qəbul edəcək, Bakı vaxtı ilə saat 00:00-da başlayacaq.