"Barselona" Arauxo ilə yeni uzunmüddətli müqavilə imzalayıb

"Barselona" müdafiəçi Ronald Arauxo ilə yeni müqavilə imzalayıb.

90deqiqe.Az klubun mətbuat xidmətinə istinadən xəbər verir ki, 25 yaşlı futbolçu ilə müqavilə 2031-ci ilin ortalarına qədər nəzərdə tutulub.

Uruqvaylının Kataloniya klubu ilə əvvəlki müqaviləsi 2026-cı ilin ortalarına qədər nəzərdə tutulub. Latın amerikalı 5 ildir ki, "Barselona"da çıxış edir. O, Kataloniya klubunun sisteminə 2018-ci ildə yenidən qoşulub. Lakin bu mövsüm Arauxo zədə səbəbindən meydanda cəmi 5 oyun keçirib. Transfermarkt "Barselona"nın əsas heyətinin veteranlarından birini 55 milyon avro dəyərində qiymətləndirir. “Barselona” bu mövsüm Çempionlar Liqasında ikinci, İspaniya Primerasında isə üçüncüdür.