"Ümid edirəm ki, Neymar, doğru qərar verəcək"

"Real"ın vingeri Vinisius Junior "Barselona"nın və PSJ-nin sabiq hücumçusu Neymarın Braziliya üçün əhəmiyyətindən danışıb və onun "Santos"a qayıtma ehtimalını dəyərləndirib.

90deqiqe.Az xəbər verir ki, "Goal" Vinisiusun dediklərini belə çatdırıb.

“Braziliya üçün Neymar kimi bir oyunçunun olması vacibdir, xüsusən də onun evi olan "Santos" üçün. O, şübhəsiz ki, Braziliyada çox yaxşı oynayan və sonra xaricdə tarix yazmağı bacaran braziliyalı oyunçudur. Ümid edirəm ki, o, doğru qərar verərək, bütün ailəsi xoşbəxt olacaq”

Braziliya millisinin sabiq hücumçusu Neymar 2013-cü ilin yayında "Santos"dan "Barselona"ya keçib. Kataloniya klubundan başqa, Neymar Avropada Fransa PSJ-nin rənglərini qoruyub. 2023-cü ilin avqustunda Səudiyyə Ərəbistanının "Əl-Hilal"ı braziliyalını 95 milyon avroya transfer edib.

Yaxın Şərqdə yarımçıq qalan iki mövsümdə Neymar bütün turnirlərdə cəmi 7 matçda iştirak edib, 428 dəqiqə meydanda olub. Onun bir qolu və üç məhsuldar ötürməsi var.

Daha əvvəl “Əl-Hilal”ın baş məşqçisi Xorxe Jesus müsahibəsində Neymarın əvvəlki səviyyəsini daha nümayiş etdirə bilmədiyi üçün mövsümün yaz hissəsi üçün komandanın heyətinə daxil edilməyəcəyini bildirmişdi. Bildirilib ki, "Santos" Neymarın bu qış qayıtmasında maraqlıdır.