Pedri "Barselona" ilə müqaviləni 2030-cu ilə qədər uzadacaq

Yarımmüdafiəçi Pedri "Barselona" ilə müqaviləsini uzadacaq.

90deqiqe.Az-ın məlumatına görə, 22 yaşlı futboçu Kataloniya təmsilçisi ilə 2030-cu ilə qədər uzatmaq üçün şifahi razılığa gəlib.

Yeni müqavilənin yekun rəsmi detalları yaxın vaxtlarda razılaşdırılacaq. Hazırda əmək müqaviləsinin rəsmi imzalanma tarixi müəyyən edilməyib.

İspan futbolçunun hazırkı əmək müqaviləsi 2026-cı ilin yayına kimi nəzərdə tutulub.Pedri 2020-ci ilin yayından "Barselona"da çıxış edir. Bu müddət ərzində o, bütün turnirlərdə 174 matçda iştirak edib, 24 qol vurub, 17 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 100 milyon avrodur.