Flik Pau Viktorun "Barselona"dakı gələcəyi haqqında danışdı

"Barselona"nın baş məşqçisi Hans-Diter Flik komandanın hücumçusu Pau Viktorun gələcəyi ilə bağlı açıqlama verib.

90deqiqe.Az xəbər verir ki, "Barca Universal" alman mütəxəssisin dediklərini belə çatdırıb.

"O, "Barselona"nın ikinci komandasında oynadı, mövsümöncəsi bizimlə yaxşı çıxış etdi, lakin hər bir oyunçuya lazımi oyun dəqiqələrini vermək asan deyil. Bir plan var, istədiyi şansları əldə edəcək"

Əvvəllər almaniyalı mütəxəssisin Viktoru Robert Levandovskinin əvəzedicisi kimi görməməsi ilə bağlı xəbərlər yayılmışdı.

Bu mövsüm 23 yaşlı Viktor bütün turnirlərdə 18 matçda meydana çıxıb, iki qol vurub və bir məhsuldar ötürmə edib.