"Düşünürəm ki, Vinisius, doğru seçim edəcək" 

"Real Madrid"in baş məşqçisi Karlo Ançelotti forvard Vinisius Juniorun gələcəyini şərh edib. 

90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında danışıb.

“Mən futbolla bağlı hər şeyi başa düşürəm.. Az adam başa düşsə də, Kroosun niyə futbolu tərk etdiyini başa düşdüm. Bu qərarlar fərdi xarakter daşıyır. Amma bunu əvvəllər də demişdim: Vinisiusun xoşbəxt olduğunu və burada qalıb "Real Madrid"lə titullar qazanmaq istədiyini görürəm.Düşünürəm ki, o, doğru seçim edəcək" 

Məlum olduğu kimi, şayiələr müntəzəm olaraq ulduz braziliyalı futbolçunun Səudiyyə Ərəbistanına keçidi ilə əlaqələndirilir.

"Real Madrid" hazırda İspaniya liqasında liderdir.