Olmo "Barselona"nın növbəti matçını buraxacaq

"Barselona"nın yarımmüdafiəçisi Dani Olmo İspaniya çempionatının növbəti turunda komandasına kömək edə bilməyəcək.

90deqiqe.Az xəbər verir ki, Olmo hələ də əsas komanda ilə məşq etmir, ona görə də onun “Alaves”lə oyunda iştirak etməyəcəyi ehtimalı yüksəkdir.

Daha əvvəl bildirilmişdi ki, ispaniyalı yarımmüdafiəçinin bu oyun üçün meydana qayıdacağı gözlənilir.

İspaniya La Liqasının 22-ci turunun "Barselona" - "Alaves" matçı fevralın 2-də keçiriləcək. Görüşün Bakı vaxtı ilə saat 17:00-da başlaması planlaşdırılır. Xatırladaq ki, ilk turda "Barselona" doğma meydanda "Alaves"i 3:0 hesabı ilə məğlub edib.