"Mbappe mərkəz hücumçusu kimi oynamağı bilmir" - Ronaldo

Daha əvvəl "Real Madrid"də çıxış edən "Əl-Nəsr"in hücumçusu Kriştiano Ronaldo "Los Blancos"un futbolçusu Kilian Mbappenin mərkəz hücumçu mövqeyində çıxışı ilə bağlı fikirlərini bölüşüb.

90deqiqe.Az xəbər verir ki, "Madrid Unversal" ulduz forvardın dediklərini belə çatdırıb.

“Mən Mbappenin yerində olsaydım, Kriştiano Ronaldonun hücumçu kimi oynadığı kimi oynayardım. "Real Madrid"də olsaydım, ona orada oynamağı öyrədərdim. Mən mərkəz hücumçusu deyildim, amma mərkəz hücumçusu kimi oynayırdım. İnsanlar mənim cinah oyunçusu olduğumu unudurlar. Hücum mövqeyi Mbappenin həyatını bir az da çətinləşdirir. Məncə, o, hücumçu kimi oynamağı bilmir. Onun bilməməsi deyil, sadəcə olaraq bu, onun mövqeyi deyil”

Ümumilikdə Mbappe bu mövsüm İspaniya çempionatında 19 matçda iştirak edib və bu oyunda 15 qol vurub və 2 məhsuldar ötürmə edib.