Yenidən sıradan çıxdı

"Real Madrid"in müdafiəçisi David Alaba yeni zədələnib.

90deqiqe.Az-ın məlumatına görə, bu barədə klubun rəsmi saytı məlumat yayıb.

32 yaşlı futbolçuya sağ budunun əlavə əzələsindən zədə diaqnozu qoyulub. Avstriyalıya zədəsinin sağalması üçün iki-üç həftə lazım olacaq.

Xatırladaq ki, Alaba 2024-cü ilin sonunda çarpaz bağlarını zədələdikdən sonra komanda ilə işləməyə başlayıb. İspaniya çempionatının 22 turundan sonra “kral” klubu 49 xal toplayıb və turnir cədvəlinə başçılıq edir. “Real Madrid” ikinci pillədə qərarlaşan “Atletiko Madrid”i bir xal qabaqlayır.