"Uzun illər “Barselona”da oynamağa davam edəcəm"

"Barselona"nın müdafiəçisi Ronald Arauxo komandası ilə müqaviləsini uzatmaqdan danışıb.

90deqiqe.Az xəbər verir ki,  jurnalist Fabrizio Romano uruqvaylı futbolçunun dediklərini belə çatdırıb.

“Çox xoşbəxtəm ki, uzun illər “Barselona”da oynamağa davam edəcəyəm. Mən bu müqavilə vəziyyətində həmişə çox sakit olmuşam və nə istədiyimi dəqiq başa düşürəm”

Xatırladaq ki, yanvarda "Barselona" uruqvaylı ilə əmək müqaviləsini 2031-ci ilə qədər uzaddığını açıqlamışdı. Bu mövsüm 25 yaşlı müdafiəçi bütün turnirlərdə 7 oyun keçirib, 1 qol vurub və 1 məhsuldar ötürmə edib. Fevralın 6-da İspaniya kubokunun 1/4 finalında "Barselona" səfərdə "Valensiya" ilə qarşılaşacaq. Görüşün Bakı vaxtı ilə saat 00:30-da başlaması planlaşdırılır.