"Mən "Barselona"nı sevirəm"

"Barselona"nın baş məşqçisi Hans-Diter Flik komandadakı işindən danışıb.

90deqiqe.Az xəbər verir ki, jurnalist Fabrizio Romano alman çalışdırıcının dediklərini belə çatdırıb.

“Mən bu klubu sevirəm, hər gün burada işləməkdən həzz alıram, texniki heyət və məşqçilər heyəti ilə birlikdə bu komandaya baş məşqçilik etmək. Bu, həqiqətən də əladır, çünki buradakı oyunçular unikaldır, mən əvvəllər heç vaxt belə bir şey yaşamamışam”

Xatırladaq ki, 59 yaşlı mütəxəssis ötən ilin yayında Xavi Hernandesi əvəzləyərək "Barselona"nın baş məşqçisi vəzifəsinə keçib. 22 turdan sonra bankında 45 xalı olan "mavi qranatlar" İspaniya çempionatının turnir cədvəlində üçüncü yeri tutur.