"Yamal "Barselona" üçün xəzinədir"

"Barselona"nın sabiq yarımmüdafiəçisi Rivaldo "Blauqrana"nın 17 yaşlı hücumçusu Lamine Yamalın çıxışı ilə bağlı fikirlərini bölüşüb.

90deqiqe.Az xəbər verir ki, "Sport.es" sabiq futbolçunun dediklərini belə çatdırıb.

“Lamin sanki 25 yaşında oynayır. Onun futbol səviyyəsinə heyranam. Bu adam kataloniyalılar üçün əsl xəzinədir. Yaxın gələcəkdə o, dünyanın ən yaxşı futbolçusu adına iddialı olacaq”

İspaniya çempionatının cari mövsümündə Yamal 19 oyun keçirib. Hücumçu beş qol vurub, on məhsuldar ötürmə edib. Laminenin "Barselona" ilə müqaviləsi 2026-cı ilin ortalarına qədərdir. Onun bazar dəyəri 180 milyon avrodur.