Ronaldo karyerasının ən pis oyun tərəfdaşının adını açıqladı

Əfsanəvi keçmiş hücumçu Ronaldo eyni komandada birlikdə oynadığı ən pis futbolçunun adını açıqlayıb.

90deqiqe.Az "Football Talk"a istinadən xəbər verir ki, braziliyalı sabiq futbolçu "Real Madrid"in tanış simalarından olan keçmiş danimarkalı yarımmüdafiəçi Tomas Qraveseni qeyd edib.

“Qravesen klub səviyyəsində indiyə qədər birlikdə oynadığım ən pis oyunçudur. O, gülünc oğlan olsa da, lakin əla insan idi.Tomas bu yaxınlarda böyük pul mükafatı ilə poker turnirində qalib gəldi, lakin futbol meydançasında o, sadəcə olaraq dəhşətli idi”

Tomas Qravesen 2005-ci ilin əvvəlindən 2006-cı ilin yayına qədər "Real Madrid"in şərəfini qoruyub, sonra Şotlandiyanın "Seltik" klubuna keçib. Danimarkalı həm də Evertondakı oyunu ilə tanınır.