Kasado gələcəyi ilə bağlı qərar verib

"Barselona"nın yarımmüdafiəçisi Mark Kasadonun oyun müddətinin azaldılmasına münasibəti məlum olub.

90deqiqe.Az "La Vanguardia"ya istinadən xəbər verir ki, 21 yaşlı futbolçu əsas komandaya düşmək üçün çox çalışdığı üçün meydançada vaxtının azalmasından narahat deyil.

Yarımmüdafiəçinin ilk 11-likdəki yerini bərpa etmək üçün səylərini davam etdirdiyi bildirilir.

Kasado bu mövsüm bütün yarışlarda 30 matçda iştirak edib və 6 qola imza atıb. La Liqanın 24-cü turunda “Barselona” fevralın 17-də “Rayo Valyekano”nu qəbul edəcək. Qarşılaşmanın Bakı vaxtı ilə saat 00:00-da başlaması nəzərdə tutulub.