"Barselona" Levandovski ilə müqaviləni daha bir il uzada bilər

"Barselona" hücumçu Robert Levandovski ilə yeni müqavilə imzalamağı düşünür.

90deqiqe.Az-ın məlumatına görə, polşalının müqaviləsinin avtomatik olaraq 2026-cı ilin yayına qədər uzadılacağı artıq məlumdur, lakin Kataloniya klubu futbolçunun maaşını (illik 26 milyon avro) daha uzun müddətə bölüşdürmək üçün müqaviləni daha bir mövsüm uzatmaq istəyir.

Sövdələşmədə "Barselona"ya müəyyən şərtlərlə 2026-cı ildə forvardla müqaviləni ləğv etmək imkanı verən bənd də ola bilər.

Robert Levandovski bu mövsüm Hans-Diter Flick-in heyətində bütün turnirlərdə 33 oyunda 31 qol vurub və 3 məhsuldar ötürmə edib.