"Atletiko Madrid" yarımmüdafiəçisini itirdi

"Atletiko Madrid"in yarımmüdafiəçisi və kapitanı Koke zədə səbəbindən sıradan çıxıb.

90deqiqe.Az klubun mətbuat xidmətinə istinadən xəbər verir ki, yarımmüdafiəçisi sağ ayağının əzələsindən zədə alıb.

Futbolçunun sağalması üçün dəqiq vaxt açıqlanmayıb, lakin İspaniya mətbuatına görə Koke martın sonuna qədər meydana çıxmayacaq.

İspaniya çempionatının cari mövsümündə 33 yaşlı yarımmüdafiəçi 23 oyun keçirib, bir qol vurub, bir məhsuldar ötürmə edib və dörd sarı vərəqə alıb. La Liqanın 24 turundan sonra Dieqo Simeonenin komandasının aktivində 50 xal var. Madrid komandası lider "Barselona"dan bir xal geri qalaraq üçüncü yerdədir.