"Real" Ançelottini Premyer Liqa məşqçisi ilə əvəzləyə bilər

Karlo Ançelottinin mövsümün sonunda "Real Madrid"dən ayrılacağı istisna edilmir. 

90deqiqe.Az "Daily Mail"ə istinadən xəbər verir ki, "Real Madrid" Ançelottinin yerinə daha bir ispan futbolçunu namizədlər siyahısına daxil edib. Belə ki, “qaymaqlılar” Andoni İraola ilə maraqlanır. Maraqlıdır ki, o, Xabi Alonso ilə eyni agentlikdə işləyir.

İraola bu mövsüm "Bornmut"la yaxşı çıxış edir, komanda hazırda Premyer Liqa cədvəlində 5-ci yerdədir. İraola bu yaxınlarda Premyer Liqada ayın baş məşqçisi seçilib.

Son illər "Bayer"in "sükanı arxası"nda yaxşı çıxış edən Xabi Alonsonun yayda Madrid komandasına keçə biləcəyi haqda danışılır.