"Real" Bellinqhemin cəzasına etiraz edəcək

"Real Madrid" rəhbərliyi komandanın yarımmüdafiəçisi Cude Bellinqhemin diskvalifikasiyası ilə bağlı apellyasiya şikayəti verəcək.

90deqiqe.Az "Marca"ya istinadən xəbər verir ki, "Real Madrid" Bellinqhemin hakimi təhqir etmədiyinə inandığından bu qərarla razılaşmır.

Daha əvvəl məlum olmuşdu ki, 21 yaşlı yarımmüdafiəçi İspaniya çempionatının 24-cü turunda “Osasuna” ilə oyunda (1:1) qırmızı vərəqə aldığı üçün 2 oyunluq cəza alıb.

Bu mövsüm futbolçu bütün turnirlərdə 33 oyunda meydana çıxıb, 11 qol vurub və 10 məhsuldar ötürmə edib. Bu gün “Real” Çempionlar Liqasında “Mançester Siti” ilə qarşılaşacaq. Bakı vaxtı ilə saat 00:00-da başlayır.