"Real"da oynamaq təkcə şərəf deyil, həm də çətinlikdir"

"Real Madrid"in hücumçusu Endrik klubda keçirdiyi vaxtdan danışıb.

90deqiqe.Az xəbər verir ki, jurnalist Fabrizio Romano braziliyalı futbolçunun dediklərini belə çatdırıb.

“Real Madrid"də olmaq təkcə şərəf deyil, həm də çətinlikdir. Mən burada dünyanın ən yaxşısı adlandırıla biləcək istedadla oynayıram. Nəinki matçlarda, həm də məşqdə onların səviyyəsində olmaq üçün hər məşqdə təkmilləşməliyəm”

Bu mövsüm 18 yaşlı futbolçu bütün turnirlərdə 23 matçda iştirak edib, 1 qol vurub və bir məhsuldar ötürmə edib. Endrikin Real Madridlə müqaviləsi 2030-cu ilə qədərdir. Transfermarkt ekspertləri forvardın qiymətini 40 milyon avro qiymətləndirib.