Yamal "Barselona" ilə razılığa gəlib

"Barselona" və hücumçu Lamin Yamal yeni əmək müqaviləsi imzalamağa yaxındır.

90deqiqe.Az "Mundo Deportivo"ya istinadən xəbər verir ki, tərəflər əməkdaşlığı 2030-cu ilə qədər uzadacaqlar. Müqavilə bu ilin yayında açıqlana bilər.

Oyunçunun agenti Xorxe Mendes müqavilənin yekun detallarını razılaşdırmaq üçün martın əvvəlində "Blauqrana" rəhbərliyi ilə görüşəcək.

Laminenin "Barselona" ilə hazırkı müqaviləsi 2026-cı ilin yayında başa çatır. Onun bazar dəyəri 180 milyon avro olaraq qiymətləndirilir. Bu mövsüm Yamal 33 oyun keçirib, 11 qol vurub və 16 məhsuldar ötürmə edib.