Kriştiano Ronaldo məşhur klubu almaq qərarına gəlib

Səudiyyə Ərəbistanının “Əl-Nəsr” klubunun hücumçusu Kriştiano Ronaldo İspaniya klublarından birinin səhmdarına çevrilə bilər.

90deqiqe.Az "Footmercato"ya istinadən xəbər verir ki, 40 yaşlı ulduz futbolçu "Valensiya"nı almaqda maraqlıdır.

"Yarasalar"ın hazırkı sahibi Peter Lim cari mövsümün sonunda klubu satmağa hazırlaşır.

Ronaldo iş adamı ilə yaxşı tanışdır və buna görə də onların arasında sövdələşmə tamamilə mümkündür.

"Valensiya" İspaniya çempionatının cari mövsümündə zəif çıxış edir. 25 turdan sonra komanda 18-ci pillədə qərarlaşıb. Klubun aktivində 23 xal var.