"Real"da 500 matç oynamaq istəyirəm"

"Real Madrid"in hücumçusu Vinisius Junior komandanın heyətində 300-cü matça çatmaq üzrədir.

90deqiqe.Az xəbər verir ki, "Madrid Universal" braziliyalı forvardın dediklərini belə çatdırıb.

"Real Madrid" üçün növbəti matçım mənim 300-cü matçım olacaq, lakin mən artıq 400-cü və 500-cü matçlarımı oynamaq istəyirəm."

Braziliyalının 300-cü matçı martın 1-də şənbə günü baş tutacaq La Liqada "Betis"lə qarşıdakı matç ola bilər.

24 yaşlı forvard 2018-ci ilin yayından etibarən "Real Madrid"in heyətində bütün turnirlərdə meydana çıxdığı 299 oyunda 102 qol vurub və 74 məhsuldar ötürmə edib.