Şesni "Barselona"dakı gələcəyi ilə bağlı danışıb

"Barselona"nın qapıçısı Voyçex Şesni komandadakı gələcəyi ilə bağlı fikirlərini bölüşüb. 

90deqiqe.Az xəbər verir ki, "Barca Universal" polşalı qolkiperin dediklərini belə çatdırıb.

"Mövsümün əvvəlində məndən soruşsaydınız, iyunda gedəcəyimi deyərdim... Amma burada keçirdiyim vaxtdan zövq alıram. Ailəm xoşbəxtdir, həyat yoldaşım burada olmağı xoşlayır... Mən heç nəyi istisna etmirəm”

Xatırladaq ki, 34 yaşlı polyak 2024-cü ilin oktyabrında mövsümün sonuna qədər müqavilə imzalayaraq "Barselona"nın futbolçusu olub. Blaugrana forması ilə Şesni bütün turnirlərdə 13 oyun keçirdi, 13 qol buraxdı və yeddi qapını təmiz saxladı. Transfermarkt mütəxəssisləri qapıçının dəyərini bir milyon avro qiymətləndirib.