Vinisius "Real"la müqaviləni uzatmağa yaxındır

"Real Madrid"in hücumçusu Vinisius Junior klubu ilə müqaviləsini uzatmağa yaxındır.

90deqiqe.Az "Diario"ya istinadən xəbər verir ki, hər iki tərəf artıq bir-birinin tələbləri ilə razılığa yaxındır və əməkdaşlığı genişləndirməyə hazırdır.

Hazırda danışıqların aparılmadığı, lakin gələn ilin yayında davam etdiriləcəyi qeyd edilir.

Vinisius 2018-ci ildən "Real Madrid"də çıxış edir. Bu mövsüm 24 yaşlı braziliyalı bütün turnirlərdə 35 matçda meydana çıxıb, 17 qol vurub və 12 məhsuldar ötürmə verib. Vinisiusun Los Blancos ilə hazırkı əmək müqaviləsi 2027-ci ilin yayına qədərdir.