Fati "Barselona"dan ayrılır

"Barselona"nın vingeri Ansu Fati yay transfer pəncərəsində klubu tərk edəcək.

90deqiqe.Az-ın məlumatına görə,22 yaşlı futbolçunun karyerasını Səudiyyə Ərəbistanı və Qətərdə davam etdirmək variantları var. Sözügedən ölkələrin klubları artıq futbolçunun yay transfer pəncərəsi zamanı heyətinə qatmaq üçün agenti ilə danışıqlara başlayıb.

Bu mövsüm Fati bütün yarışlarda səkkiz matçda meydana çıxıb və qol vurmayıb. Daha əvvəl "Barselona"nın baş məşqçisi Hans-Diter Flik Fatini gələcək planlarında görmədiyi üçün futbolçunu qışda buraxmağa hazır olduğunu, lakin sonra klubda qalmağa qərar verdiyini etiraf etmişdi. Transfermarkt mütəxəssisləri Fatinin dəyərini 10 milyon avro qiymətləndirir. Qeyd etmək lazımdır ki, onun zirvəsində 80 milyon avro dəyərində idi.