"Real" stadionunu genişləndirəcək

"Real Madrid" Santiaqo Bernabeu stadionunun təmirini keçən il başa çatdıraraq, təxminən 1,76 milyard avro xərcləyib. Lakin, yaxın gələcəkdə arenada yenidən işlərə başlanacaq.

90deqiqe.Az "Mundo Deportivo"ya istinadən xəbər verir ki, klub stadionun tutumunu 79 min nəfərdən 85 min nəfərə çatdırmağı planlaşdırır. FİFA qaydalarına əsasən, dünya çempionatının finalı üçün stadionun minimum tutumu 80 min olmalıdır.

2030-cu il dünya çempionatının finalına ev sahibliyi edəcək "Real Madrid" in stadionu isə bu göstəricidən bir qədər aşağıdır. 2030-cu ildə dünya çempionatına İspaniya, Portuqaliya və Mərakeş birgə ev sahibliyi edəcək.