Şesni "Barselona"dakı gələcəyindən danışıb

"Barselona"nın qapıçısı Voyçex Şesni klubdakı gələcəyi ilə bağlı fikirlərini bölüşüb.

90deqiqe.Az xəbər verir ki, jurnalist Fabrizio Romano polşalı qolkiperin dediklərini belə çatdırıb. 

“Hazırda yeni müqavilə ilə bağlı qərarlı deyiləm. Bütün diqqətimi matçlara cəmləmişəm, bütün enerjimi “Barselona”ya vermək istəyirəm və sonra vaxtım gələndə gələcəyimlə nə baş verəcəyini görəcəyik”

Xatırladaq ki, polşalı qolkiper ötən ilin oktyabrından “Mavi qranatlar”da çıxış edir. 34 yaşlı futbolçu mövsümün sonuna qədər müqavilə imzalayaraq, komandaya azad agent kimi qoşulub. "Barselona"nın tərkibində Şesni bütün turnirlərdə 14 oyun keçirib, 13 qol buraxıb və səkkiz dəfə qapısını toxunulmaz saxlaya bilib.